राज्यात या तारखेपासून वातावरण बिघडनार ;
प्रसिद्ध हवामान अभ्यासक पंजाब डख यांनी पुढील काही दिवसांचा हवामान अंदाज आणि शेतकऱ्यांसाठी मोलाचा सल्ला दिला आहे. राज्यात सध्या थंडीचा कडाका वाढला असून, ३० डिसेंबर २०२५ पर्यंत ही थंडीची लाट कायम राहणार आहे. या काळात दिवसाही थंड वारे वाहतील, ज्यामुळे वातावरणात चांगलाच गारवा जाणवेल. मात्र, नवीन वर्षाच्या सुरुवातीला म्हणजेच १ जानेवारी २०२६ पासून हवामानात मोठे बदल होणार असून राज्याच्या बहुतांश भागात ढगाळ वातावरण निर्माण होण्याची शक्यता वर्तवण्यात आली आहे.
शेतकऱ्यांसाठी महत्त्वाच्या सूचना
जानेवारीच्या पहिल्या आठवड्यात ढगाळ वातावरण राहणार असले तरी, सध्या राज्यात पावसाचे कोणतेही संकट नाही. त्यामुळे ऊस तोडणी करणारे शेतकरी आणि ऊस कामगारांनी काळजी करण्याचे कारण नाही. तरीही, वेलीवर आधारित पिके आणि फळबागांच्या बाबतीत शेतकऱ्यांनी हवामानातील या बदलांची नोंद घेऊन सतर्क राहणे गरजेचे आहे. वातावरणात अचानक बदल झाल्यास त्याबाबतची अधिकृत माहिती पुन्हा दिली जाईल, असेही डख यांनी स्पष्ट केले आहे.
हरभरा उत्पादकांसाठी विशेष सल्ला
डख यांनी हरभरा पिकाबाबत एक महत्त्वाची टिप दिली आहे. ज्या शेतकऱ्यांना हरभऱ्याचे भरघोस उत्पादन हवे आहे, त्यांनी पिकाला पाणी देताना ‘रेन पाईप’ (Rain Pipe) चा वापर करावा. सुरुवातीला रेन पाईपने आणि पीक थोडे वाढल्यानंतर स्पिंकलरने पाणी दिल्यास उत्पादनात मोठी वाढ होऊ शकते. सध्या थंडी जास्त असल्याने हरभऱ्यासारख्या रब्बी पिकांना पोषक वातावरण असले तरी, ढगाळ हवामानात पिकांची विशेष निगा राखणे आवश्यक आहे.
